ஹைபுன் பழகலாம் வாங்க,,,

 ஹைபுன் என்பது கவித்துவமான ஒரு சிறிய கட்டுரை,  இது ஒரு கதையை அல்லது பின்னால் எழுதப்போகும் மூன்று வரிக்கவிதைக்கான கருவை முன்னால் உரைநடையில் விவரிக்கிறது. கட்டுரையின் இறுதியில் முத்திரை பதிக்கும் ஹைக்கூ ஒன்றும் அமையும். இக்கவிதை வடிவம்தான் தான் ஹைபுன் என்றழைக்கப்படுகிறது.

ஜப்பானை சேர்ந்த ஹைக்கூ கவிஞர்தான் பாஷோதான் ஹைபுன் கவிதையை முதன்முதலாக எழுதியதாக சொல்லப்படுகிறது இவற்றில் சமூக அவலங்களையும் அன்றாட நிகழ்வுகளையும் எளிதாக பதிவுச்செய்ய முடிகிறது செரிவான உரைவீச்சில் முரணான செய்திகளை இணைத்து ஹைக்கூவோடு முடிப்பதே ஹைபுன் கவிதையாகும்

அதாவது உங்களுக்கு புரிவதுப்போல எளிமையாக சொல்ல வேண்டுமானால் நாம் பள்ளிக்கூடத்தில் படிக்கும்போது தமிழாசிரியர் ஒரு செய்யுளைச்சொல்லி விளக்கம் தருவார் அல்லவா அதுப்போலதான் பள்ளியில் செய்யுளைச்சொல்லி விளக்கம் தருவார்கள் இந்த ஹைபுன் கவிதை என்பதில் விளக்கம் சொல்லி அதன்பிறகு முடிவாக அவ்விளக்கத்திற்கு பொருந்தும்படி ஒரு ஹைக்கூ சொல்ல வேண்டும் இதுதான் ஹைபுன் என்பதாகும்

இதோ சில,,,உதாரணம்

பிள்ளைகள் யாவர்க்கும் மலையனூர் அங்காளம்மனுக்கு கெடாவெட்டி காதுகுத்துவது அம்மாவுக்கு வழக்கம் உயிர்பலி கொடுக்காதீர்கள் வேண்டுகோள் படித்தப்பிறகு விலைக்கு வாங்கி நேர்ந்து விடுவாள்,,, வந்தது உயிர்பலி தடைச்சட்டம் உறுதியோடு சொன்னால் ஆத்தாவுக்கும் எனக்கும் எந்த சட்டமும் மசுருதான்,,,

*கட்டளை இட்டது மடம்*

*கை மாறியது பணம்*

*காமாட்சி மடியில் பிணம்*

(மாய வரம் நூலில் அன்பாதவன்)

என் ஹைபுன் இதோ,,,

தினமும் குடித்துவிட்டு வந்து அம்மாவை அடிக்கும் அப்பா காலில் விழுந்து அம்மா கெஞ்சுவார் குடிக்காதய்யா குடும்பம் வீணாப்போய் விடுமென்று,,, வெள்ளிக்கிழமை அம்மா மீது சாமி வந்து குறிச்சொல்லும்போது மட்டும் மாற்றாக அம்மா காலில் அப்பா விழுந்து ஆசிர்வாதம் வாங்குவார்

*அனுதினமும் அடிவாங்கும்/*

*அம்மாவின் காலில் விழுவார் அப்பா/*

*அருள்வாக்கு சொல்லும்போது மட்டும்/*

பிறக்கும் எல்லோருக்குமே கருவறை சொந்தம்தான் இதில் அவனென்ன நம்மை கருவறையில் நுழைக்கூடாது என்று சொல்வதற்கு,,,அவனும் கருவறையில் இருந்தவன்தான் நாமும் கருவறையில் இருந்தவர்கள்

உயிர்களை கருவறையில்

சுமந்து செல்கிறாள்

பெண் தெய்வம்,,,!

லிமர்புன் என்பதும் கிட்டதட்ட இதே மாதரிதான் ஒரு  உரைநடை அல்லது கவிதைகளைச்சொல்லி கடைசியாக லிமரைக்கூவை பதிவிட்டால் அது லிமர்புன் எனப்படும்

~நாகை ஆசைத்தம்பி

மோனைக்கூ கற்போமா,,,!

 மோனை என்பது கவிதையின் அடிகளின் முதல் எழுத்துக்கள் ஒத்து அல்லது ஒன்றி வருதல் மோனை என்றாகிறது. அடிகளின் முதல் எழுத்துக்கள் மட்டுமன்றி சீர்களின் முதலெழுத்துக்கள் ஒன்றி வரினும் அது மோனையே. சீர்கள் தொடர்பில் வரும் மோனை சீர்மோனை எனவும், அடிகள் தொடர்பில் வருவது அடிமோனை எனவும் குறிப்பிடப்படுகின்றன. மோனைத் தொடை தொடர்பில் அடிமோனையை விடச் சீர்மோனையே சிறப்புப் பெறுகின்றது.

எழுத்துக்கள் ஒத்து வருதல் எனும்போது ஒரே எழுத்துக்கள் வருதல் என்பது பொருளாகாது. ஒத்த எழுத்துக்கள் பின்வருமாறு அமையலாம்.

ஒரே எழுத்து ஒன்றுக்கு ஒன்று மோனையாதல்.

ஒரே இன எழுத்துக்கள் ஒன்றுக்கொன்று மோனையாதல்

உயிரெழுத்துக்கள் மூன்று இனங்களும், மெய்யெழுத்துக்களில் மூன்று இனங்களும் உள்ளன.

ஒரு கவிதையில் முதல் வரியில் அ என்ற எழுத்துவந்தால் இரண்டாவது வரியில் அ என்ற எழுத்தே வரவேண்டுமென அவசியம் இல்லை அதே ஒலியுடைய அ,ஆ,ஐ,ஔ இந்த எழுத்துகளும் வரலாம் அதேப்போல ஒரு கவிதை இ என்ற எழுத்தில் ஆரபித்தால் அடுத்த வரி இ என்ற எழுத்தில் வர வேண்டுமென அவசியமில்லை அதே உச்சரிப்புள்ள இ.ஈ.எ.ஏ போன்ற எழுத்துகளும் வரலாம் அதேப்போல உ,ஊ ஒ,ஓ போன்ற எழுத்துகளையும் மோனையில் பயன்படுத்தலாம் ஆனால் அதே எழுத்து வந்தால் பார்க்கவே அழகாக இருக்கும் என்பது என் அபிப்பிராயம்

மெய்யெழுத்திலும் மூன்று இனங்கள் உண்டு மோனையில் பயன்படுத்துவதற்கு ஞ்,ந் ஒரு இனம் ம்,வ்,ஒரு இனம் த்,ச்,என்பது ஒரு இனம் இப்படியும் பயன்படுத்தலாம்

இதேப்போலதான் எதுகைக்கூ என்பதும் ஒரு கவிதையில் இரண்டாவது எழுத்து மூன்று வரிகளிலும் ஒரே எழுத்தாக வந்தால் அது எதுகைக்கூ எனப்படும்

இல்கியம் என்றால் முதலில் நமக்கு நினைவுக்கு வருவது எதுகை,மோனை ஆகும்

அந்த மோனையை வைத்து ஹைக்கூ எழுதுவதே மோனைக்கூ எனப்படும் இதற்கு பெரிசா ஒன்றும் விளக்கம் தேவை இல்லை கீழ்காணும் என் கவிதையை பாருங்கள் புரியும்

இதோ என் மோனைக்கூ

குட்டாமலே

குனிந்துவிடுகிறது

குடிக்காரன் தலை,,,!

பருவநிலை மாற்றம்

பரிதாபமாக இருக்கிறது

பயிர்காய்ந்த வயல்கள்,

தண்ணீர் பற்றாக்குறை

தரிசாய் கிடக்கிறது

தமிழக விவசாயம்,

அரசியல்வாதிகள்

அடிக்கடி விடுகின்றனர்

அறைக்கூவல்,

~நாகை ஆசைத்தம்பி

ஐக்கூ அந்தாதி எப்படி எழுதுவது,,?

 

ஐக்கூ அந்தாதி

ஒரு அடியில் ஈற்றில் அமையும் சீர், அசை அல்லது எழுத்து, அடுத்துவரும் அடியின் தொடக்கமாக அமைவது அந்தாதித் தொடை எனப்படும். அடுத்தடுத்த செய்யுள்களில் இத் தொடர்பு இடம்பெறின் அதுவும் அந்தாதித் தொடையே. அதாவது ஒரு செய்யுளின் இறுதிச் சீர், அசை அல்லது எழுத்தை அடுத்துவரும் செய்யுளின் முதலில் வரும் வகையில் அமையின் அதுவும் அந்தாதித் தொடை எனப்படும்.

ஒரு அடியின் ஈற்றிலும் அடுத்ததின் முதலிலும் எழுத்து மட்டும் ஒன்றாய் வருவது எழுத்தந்தாதி எனலாம். இவ்வாறே, அசை, சீர், அடி என்பவை ஒன்றாக இருப்பது முறையே அசையந்தாதி, சீரந்தாதி, அடியந்தாதி ஆகும்

அந்தாதி என்றால் உங்களுக்கு புரியும்படி எளிமையாகச்சொன்னால்

கிராமங்களில் சொல்வார்கள் அவனுக்கு அந்தமும் இல்லை ஆதியும் இல்லன்னு,,, அதாவது

அந்தம்+ ஆதி இரண்டும் சேர்ந்து அந்தாதி எனப்படுகிறது அந்தம் என்றால் தொடக்கம் என்னும் பொருள்படும் ஆதி என்றால் முதல் என்று அர்த்தமாகும் ஆதிமுதற்கடவுள் என்றுக்கூட சொல்வோமே அதைப்போல,, அந்தாதி என்னும் சொல் முடிவு என்னும் பொருள்படும்

 அந்தாதி என்பதை ஐக்கூ ரென்கா என்றும் அழைப்பார்கள் ஒரு ஹைக்கூ எந்த சொல்லில் முடிகிறதோ அதே சொல்லை பயன்படுத்தி அடுத்த ஹைக்கூவை தொடங்க வேண்டும்

இன்னும் எளிமையாக பார்ப்போமா,,,, அதாவது இலங்கை வானொலியில் பாட்டுக்கு பாட்டு என்று ஒரு நிகழ்ச்சி போடுவார்கள் பிறகு அது சென்னைக்கும் வந்தது லலிதாவின் பாட்டுக்கு பாட்டுயென்று அதில் ஒருவர் பாடும் போது மணி அடிக்கும் அவர் எந்த எழுத்தில் முடித்தாரோ அந்த எழுத்திலிருந்து அடுத்தவர் பாடவேண்டும் இதுப்போலதான் அந்தாதி இனி எழுதலாமா,,,,

இதோ,,,முனைவர் வே.புகழேந்தி அந்தாதி கவிதை

ஆசைத்தம்பியின் கவிதைகள்

அர்த்தம் நிறைந்தவை

இலக்கிய மணம் வீசிடும்

வீசிடும் தென்றலும்

இரசித்துச் செல்லும்

மயில்கள் ஆடி களிக்கும்

களிக்கும் பொழுதில்

கற்பனை வேகமாய் சுரக்கும்

கவின்மிகு கவிதைப் பிறக்கும்

பிறக்கும்போதே யாரும் கவிஞனில்லை /

எழுதிப் பழகினால்

எண்ணம் நிறைவேறும்

நிறைவேறும் நிச்சயம்

அவர்தம் இலட்சியங்கள்

வாழ்க எம்மான் ஆசைத்தம்பி

*****

அடுத்து கவிஞர் வெங்கடாச்சலம் பூவேந்தன் அந்தாதி பார்க்கலாம்

ஒன்றாய் கூடுகிறது

ஒரே சத்தம் போடுகிறது

ஒற்றுமையின் பலம்

பலம் உள்ளவன்

படையில் வெல்கிறான்

எதிலும் துணிச்சல்

துணிச்சல் பிறக்க

துணைக்கு வர வேண்டும்

தன்னம்பிக்கை

*****

அடுத்த கவிதாயினி ராஜிலா ரிஜ்வான் அந்தாதி கவிதை

நெடுந்தூரம் பயணம்

சற்றே இளைப்பாறுகிறது

கடலின் மேல் பறவை

பறவையின் கிறீச்சிடல்

உயர்ந்துக்கொண்டே வருகிறது

செல்பேசி கோபுரம்

கோபுரம் உச்சி

சரிந்து கீழே விழுகின்றது

மாலைநேர நிழல்

நிழல் தேடும் மனிதன்

கையில் ஏந்தியுள்ளான்

இரும்புக் கோடாரி

கோடாரி முனை

பட்டதும் தெறித்து விழுகிறது

மரப்பட்டையிலிருந்து புழு

புழு நெளியும் உணவு

தூக்கி எறிகிறான்

புழுவை மட்டும்

****

சமக்கால கவிஞர்களையும் உதாரணமாக எடுத்துக்கொண்டு பயன்படுத்திய கவிதையை வாசித்து இதேப்போல நீங்களும் எழுதுங்கள் கவிஞர்களே,,,

என்னுடைய ஐக்கூ அந்தாதி கவிதைகள் ;

சோறு குறைவுதான்

கூட்டத்தை அழைத்தது

காகம்,,,!

காகம் கரைந்தும்

வருவோர் யாருமில்லை

மரத்தடி பிச்சைக்காரன்,,,!

பிச்சைக்காரன் குரல்

காதில் கேட்பதில்லை

பணக்காரன் வீடு,,,!

வீடு காலியானது

அனாதையாய்

ஆணி,,,!

இப்படியாய் சுருக்கமாக சொன்னால் எந்த எழுத்தில் அல்லது வார்த்தைகளில் கவிதை முடிகிறதோ அதை முதல் எழுத்தாக அல்லது வார்த்தையாக வைத்து அடுத்த கவிதையை புனைவதுதான் அந்தாதி எனப்படுகிறது

நான் முடியும் வார்த்தைகளில் இருந்து தொடங்கியிருக்கிறேன் இதற்கு பெயர் ஐக்கூ அந்தாதி எனப்படும்

ஒரு திரைப்படத்தில்கூட அந்தாதி முறையில் புகழ்பெற்ற ஒரு பாடல் உண்டு (பாலச்சந்தர் படம்)

வசந்தக்கால நதிகளிலே

வைரமணி நீரலைகள்/

நீரலைகள் மீதினிலே

நெஞ்சிரண்டின் நினைவலைகள்/

நினைவலைகள் தொடர்ந்து வந்தால் நேரமெல்லாம் கனவலைகள்/

கனவலைகள் வளர்வதற்கு காமனவன் மலர்க்கணைகள்/

இப்போது நன்றாக புரியுதா கவிஞர்களே,,,சரி

நீங்களும் முயற்சிக்கலாமே,,,

நாகை ஆசைத்தம்பி

சென்ரியு எழுதலாம் வாங்க,,,

 

ஹைக்கூ கவிதைகள் பற்றி கேள்விப்பட்டிருப்பீர்கள்.அது என்ன சென்ரியு கவிதைகள்?இது ஒரு நவீன ஹைக்கூ

ஹைக்கூவில் மானுடம் பற்றி ஏதேனும் குறிப்பிருந்தால் அதை சென்ரியு என்று சொல்கிறார்கள்.இதன் இலக்கணம் என்ன தெரியுமா?ஆழமற்றது;வேடிக்கையானது.விடுகதை போன்றது.நகைச்சுவையானது;பொன்மொழி போன்றது.இவ்வகைக் கவிதைகளைத் திரட்டியவர் பெயர் காராய்ஹச்சிமோன் சென்ரியு
இவர் கி.பி 18நூற்றாண்டில் இவ்விலக்கியத்தை அளித்தார் அவரின் புனைப்பெயர் சென்ரியு அவரின் புனைப்பெயரிலையே இக்கவிதை அழைக்கப்படுகிறது

ஹைக்கூவுக்கான இலக்கணமும் கவித்துவமும் இல்லாமால் நகைச்சுவை உணர்வு மேலோங்கி ஒரு விசயத்தை கிண்டலாக சொல்லும் விசயமே சென்ரியுவாகும் நம்ம நண்பர்கள் சொல்வார்களே,,,,,,, நீ மனுசனே இல்லடான்னு  நிறுத்தி பிறகு தெய்வம் என்பார்களே அதுப்போலதான்,,,,

தமிழில் சென்ரியு வகைக் கவிதைகளை ஈரோடு தமிழன்பன் அவர்கள் எழுதி ''ஒரு வண்டி சென்ரியு''என்ற தலைப்பில் புத்தகமாக வெளியிட்டுள்ளார்.அதிலிருந்து நான் ரசித்த சில கவிதைகள்:

''தொகுதிதான்
முடிவாகவில்லை.
தோல்வி முடிவாகிவிட்டது.''
*****
''ஆயிரம் பேரோடு
வேட்பு மனுத்தாக்கல்.
ஐம்பது வாக்குகள்.''
******
''சட்டம் ஒழுங்கைக்
காப்பாற்ற முடியவில்லை
சட்டசபையில்.''
******
''குடித்தவன்
குடலுக்குள்ளும்
மயங்கவில்லை மது.''
******
''சண்டைக்கோழி
வென்றாலும் தோற்றாலும்
பிரியாணி.''
******

என் சென்ரியு கவிதைகள்

இரண்டு லாரிகள் மோதல்
முகப்பில்
அம்மன் துணை,,,!

ஏழையின் கூந்தலுக்கு
எண்ணெய் இல்லை
அம்மனுக்கு நெய் அபிஷேகம்

சரஸ்வதி குடியிருக்க
வாடகை எவ்வளவு
நாக்கில்,,,!

முழு அடைப்பு
காவல்துறை இயங்கியது
பேருந்துக்கு பாதுக்காப்பளிக்க,,,!

~நாகை ஆசைத்தம்பி

லிமரைக்கூ என்றால் என்ன,,,?

 

லிமரைக்கூ  கற்போமா நட்பூக்களே,,,

                          மூன்றடிக் கவிதையில் முதலடியின் ஈற்றுச் சீரும் மூன்றாமடியின் ஈற்றுச் சீரும் இயைபுத்தொடையமையப் பாடப்படுவது இயைபுத் துளிப்பா அல்லது லிமரைக்கூ என்பர் . இதன் இரண்டாமடி ஏனைய இரண்டடியையும் விட நீண்டிருத்தல் சிறப்பு.

லிமரிக் என்னும் ஆங்கில வடிவமானது அதில் ஹைக்கூவையும் இணைத்து லிமரைக்கூ எனப்படுகிறது

எளிமையாகச்சொன்னால் முதல்வரியின் கடைசி வார்த்தையும் கடைசிவரியின் கடைசி வார்த்தையும் எதுகை மோனையில் வர வேண்டும் இதுவும் ஹைக்கூ மாதரியேதான் எழுதிப் பழகுங்கள் எழுத்தாளன் என்பவன் இயங்கிக்கொண்டே இருக்க வேண்டும் தேடல் உள்ளவரையே நம்மால் இயங்க முடியும் என்பதை நினைவில் கொள்ளுங்கள்

 லிமரைக்கூ கவிதையை தமிழுக்கு முதன்முதலாக அறிமுகம் செய்தவர் ஈரோடு தமிழன்பன் அவர்கள் இதோ ஒருசில லிமரைக்கூ

இரண்டால் பெருக்கப்படும் ஆயுள்/

காதலில் விழுந்தால் பொய்யும் நிஜமாகும்/

நெஞ்சில் கூவும் குயில்

~ முனைவர் வே.புகழேந்தி

இதோ என் லிமரைக்கூ,,,

மழைநேரம் திறந்த கடை

சூடுப்பிடிக்கிறது வியாபாரம்

மான்மார்க் குடை,,,!

வாங்கி குவித்தான் வட்டி

ஒரே பிரசவத்தில் பிறந்தது

இரண்டு பெண்குட்டி,,,!

~நாகை ஆசைத்தம்பி

பழமொன்ரியு பழகலாம் வாங்க,,,

 பழமொன்ரியு கவிதை என்பது ஹைக்கூவில் ஒருவகையாகும் இது பழமொழிகளை பயன்படுத்தி  எழுதுவதாகும் ஜப்பானிய சென்ரியு கவிதையின் இலக்கணமும் நம் தமிழ் மொழியின் இலக்கணமும் இணைந்து வருவதே பழமொன்ரியு ஆகும்,,,

வேடிக்கை,விளையாட்டு, கிண்டல்,கேளி இவைகள் கலந்துச் சொல்வதே பழமொன்ரியு ஆகும் எளிமையாக சொல்லவேண்டுமானால் இதுவும் ஹைக்கூ மாதரியேதான் நமது பழமொழிகள் முன்னெடுத்து அதை வச்சு சமூக நிகழ்வுளை கலாய்ப்பதுதான் பழமொன்ரியு ஆகும் இதோ சில,,

தான் ஆடாவிட்டாலும்

தன் தசை ஆடும் உடனே

கொழுப்பைக் குறைக்க வேண்டும்

கழுதை கெட்டால் குட்டிசுவர்

கெடாமல் இருந்தால் அதுக்கு

பாராளுமன்றமா,,?

~ஈரோடு தமிழன்பன்

ஒரு கூடைப் பழமொன்ரியு

கற்றது கையளவு

கல்லாதது உலகளவு

தோல்வியுற்ற மாணவன்

~ இரா . இரவி

இதோ என் பழமொன்ரியு கவிதைகள்

பட்டகாலிலே படும்

கெட்டகுடியே கெடும்

கஜா புயல்,,,!

நோய்விட்டுப்போக

வாய்விட்டு சிரிக்க முடியல

வாடகை வீடு,,,!

வளர்த்தக்கிடா

மார்பில் பாயுது

பால் குடிக்க,,,!

ஆடி காற்றில் அம்மியும் பறக்கும்

அம்மா அலட்டிக்கொள்ளவில்லை

வீட்டிற்குள் மிக்ஸி,,,!

நீர் இடித்து நீர் விலகாது

நீருக்காக விலகிக்கொண்டது

அரசியல் கூட்டணி,,!

அகல உழுவதைவிட

ஆழ உழுவதே மேலானாது

இயந்திர கலப்பை,,,!

ஐந்தில் வளையாதது

ஐம்பதில் வளைந்தது

அரசியல் கும்பிடு,,,!

~ நாகை ஆசைத்தம்பி

ஹைக்கூ கவிதைக்கு படம் இணைத்து எழுதலாமா,,,?

 ஹைக்கூ கவிதைகள் எழுதி இணையத்தளங்களில் பதிவிடும்போது அதற்கு பொருத்தமான படம் இணைக்கலாமா,,,வேண்டாமா என்பது இங்கே நெடுநாளாக விவதாப்பொருளாக இருக்கிறது அது சம்மந்தமாக என்னுடைய பார்வையை நான் எழுதுகிறேன் இதுதான் விதி என நான் சொல்லவில்லை யாரையும் கட்டாயப்படுத்தவுமில்லை என்பதை சொல்லிக்கொள்கிறேன்

சாதாரணமாக ஒரு கவிதைக்கோ அல்லது கவிதை நூலுக்கோ ஓவியம் போடும்போது பென்சில் ஸ்கெச் ஆயில்பெயிண்டிங்க,,, மார்டன் ஆர்ட்

இப்படி பல வகைகளில் செய்கிறார்கள் ஒவ்வொருவருக்கும் ஒன்று பிடிக்கிறது அந்த படம் போடுவதின் நோக்கமே அந்த புத்தகத்திலுள்ள படைப்புகளோ அல்லது அந்த புத்தகத்தின் தலைப்போ வாசகர்களை எளிதில் சென்றடைய வேண்டும் என்பதற்காகதான் படமே போடாமல் புத்தகம் போட்டால் யாரும் வாங்கமாட்டார்கள் அதுப்போலதான் ஒரு ஹைக்கூ எழுதும்போது அதற்கு பொருத்தமான படம் இணைத்தால் அது வாசகர்களை எளிதில் சென்றடைய வாய்ப்பு அதிகமாகும் முகநூல்களில்கூட படம் இணைக்கும் கவிதையை அதிகமனோர் பார்வையிடுகின்றார்கள் அதற்குக்கூட சிலர் விதாண்டாவாதம் செய்யலாம் அது கவிதைக்காக அல்ல படத்துக்காகன்னு,,அது உண்மையல்ல என்பது என் கருத்து ஏனென்றால் படம் இணைக்கும்போது அது வாசகர்களுக்கு உடனே புரிவதால் அதிகமானோர் பார்வையிடுவதாக நான் நினைக்கிறேன் இன்னும் நாம் அந்தக்காலத்திலே இருந்தால் ஹைக்கூ கவிதைகளை வளர்தெடுக்கமுடியாது

அந்தக்காலத்தில் அம்மியில் அரைத்துதான் குழம்பு வைத்தார்கள் இப்போது குழம்பு பாக்கெட்டில் கடைகளில் கிடைக்கிறது  இப்போதும் அம்மியில் அரைத்த குழம்பே வேண்டுமென்றால்(பெட்ரமாஸ் லைட்டேதான் வேணுமா,,,) பட்டனியாகதான் இருக்க வேண்டும் முன்பெல்லாம் புலவர்கள் மட்டுமே கவிதை எழுதி வந்தார்கள் அதை உடைத்து தேமாங்கா புளிமாங்கா எதுவும் வேண்டாமென. கவிஞர் மு.மேத்தா அவர்கள் நம்மையெல்லாம் கவியெழுத வைக்கவில்லையா அதுப்போலதான் படம் இணைத்து ஹைக்கூ எழுதுவதால் எளிதாக வாசிப்பவன் புரிந்துக்கொள்ளமுடியும் என்பதே என் கருத்து இக்கருத்தை ஏற்றுக்கொள்ள வேண்டுமென கட்டாயமல்ல எனக்கு தோன்றியதை நான் சொல்கிறேன்

கவிதைகளுக்கு அது சொல்லும் கருத்துதானே முக்கியம் படம் இணைப்பதெல்லாம் அபத்தம் என்றுக்கூட சொல்கிறார்கள் கருத்து முக்கியம்தான் அதை சொல்லும் விதம் மாற வேண்டும் அல்லவா,,,ஒரு திரைப்படம் பார்க்கிறோம் அதன் கருத்துதானே முக்கியம் என ஆடியோவா பதிவு செய்து வெளியிட்டால் மக்களை சென்றடையுமா,,,அடையாது

அந்த கருத்தும் மக்களை சென்றடைய நடிகர்களை நடிக்க வைத்து வீடியோ செய்யப்படுகிறது அதோடு மட்டுமல்ல அந்த கருத்தை சொல்லக்கூடிய நடிகரும் அதற்கு பொருத்தமானவராக இருக்க வேண்டுமென மக்கள் எதிர்பார்க்கிறார்கள் அதுப்போலதான் எந்த படைப்பும் மக்களை சென்றடைய சில யுத்திகளை கடைப்பிடிக்க வேண்டும் என்பது என் கருத்து அக்கருத்து நமது இலக்கியமான ஹைக்கூ கவிதைகளுக்கும் பொருந்தும் இதை ஏற்றுக்கொள்பவர்கள் ஏற்றுக்கொள்ளலாம் தூற்றுபவர்கள் தூற்றலாம்,

இதோ சில ஹைக்கூ கவிதைகள் நீங்களும் இரசிக்கலாம்,,,

உயிருக்காக

போராடிக்கொண்டிருக்கிறது

சவப்பெட்டிக்குள் ஈ

~கருமலை பழம் நீ

தானியம் தூவும்

வேடனின் கைகள்

வலை விரிக்கும்

~கா ந.கல்யாணசுந்தரம்

நிலத்தடி நீர்

நிலைத்து நிற்கிறது

குளிர்பான நிறுவனம்

~ரேவதி (ஹைக்கூ தீவு)

கைக்கு எட்டியது

வாய்க்கு எட்டவில்லை

வாங்கிய கூலி

~சு.கேசவன்

காற்றே மெதுவாய் வீசு

கிளையில்

குருவிக்கூடு

~பா.உதயகண்ணன்

(கிண்ணம் நிறைய ஹைக்கூ)

விதவை வானம்

மறுநாளே மறுமணம்

பிறை நிலவு

~இரா.இரவி

(வேரில் பூத்த ஹைக்கூ)

உலர்ந்து விட்டது

ஆற்றைக் கடந்ததும்

பறவையின் நிழல்

~முனைவர் புகழேந்தி

(சரம் சரமாய் ஹைக்கூ)

ஊரைக் காக்கும் காளி

கூடவே வருகிறது

பாதுகாப்பு படை,,,!

~சீனு செந்தில்

(ஹைக்கூ 2020)

ஒப்பனைக்காக

விற்பனை செய்யப்படுகிறது

கற்பனைகள்

~நாகை ஆசைத்தம்பி

(எரிதழல்)

காலணிகள் பலரகம்

பேதம் பார்ப்பதில்லை

தாங்கும் நிலம்

~தர்மசிங்

(சரம் சரமாய் ஹைக்கூ)

பக்தனுக்கு பசி

யாசகம் கேட்கிறார்

சாலை ஓவியக் கடவுள்

~விக்டர் ஏஞ்சல்

(சரம் சரமாய் ஹைக்கூ)

உழைக்கும் தொழிலாளி

சுகமாகவே வாழ்கிறார்

பிழைக்கும் முதலாளி

~மாதவன்

(சுகமூட்டிய அந்த நிழல்)

இக்கட்டுரையில் வருவதெல்லாம் என் சொந்தக்கருத்துதான் இதைப்பின்னபற்ற வேண்டுமென கட்டாயமல்ல அது உங்கள் பார்வையைப்பொருத்தது,,,

~நாகை ஆசைத்தம்பி

ஹைக்கூ பழகலாம் வாங்க,,,

ஹைக்கூ என்றால் என்ன அதை எப்படி எழுதுவது என்பதையும் அதன் வரலாறையும் சுருக்கமாக பார்க்கலாம்

16ஆம் நூற்றாண்டின் இறுதியில் ஜப்பானில் ஹைக்கூ கவிதைகளை வளர்த்தெடுத்த பெருமை பாஷோ,பூஸன்,இஷா,ஷிகி ஆகிய கவிஞர்களையே சேரும் அதன்பிறகு முதன்முதலாக ஹைக்கூ கவிதையை தமிழுக்கு அறிமுகம் செய்கிறார் பாரதியார் அதன்பிறகு எழுத்தாளர் சுஜாதா அவர்கள்  தமிழில் அதிகம் எழுதியும் மொழிப்பெயர்த்தும் ஹைக்கூ கவிதைகளை வளர்த்தார் பிறகு கவிக்கோ அப்துல் ரகுமான் ,ஈரோடு தமிழன்பன் மற்றும் மு.முருகேஷ் ஆகியோர் ஹைக்கூ கவிதைகளுக்காக உழைத்தவர்களில் முக்கியமானவர்கள் தமிழ் முதல் ஹைக்கூ தொகுப்பு நூல் கிண்ணம் நிறைய ஹைக்கூ நூலாக கருதப்படுகிறது அந்த நூலை தொகுத்தவர் மு.முருகேஷ் அந்த நூலில் என் கவிதையும் உண்டு அதனால் எனக்கும் பெருமையே அவர் அடுத்து தொகுத்த வேரில் பூத்த ஹைக்கூ இந்த நூலிலும் என் கவிதைகள் இருக்கிறது இப்படியாய் என் நீண்ட ஹைக்கூ பயணம் தொடர்கிறது மு.முருகேஷ் அவர்களை தவிர்த்து ஹைக்கூ வரலாறு எழுதமுடியாது இன்னும் அறிவுமதி,அமுதபாரதி,ந.முத்துக்குமார்,கா.ந.கல்யாணசுந்தரம்,இளையபாரதி,அனுராஜ், நாகை ஆசைத்தம்பியாகி நான் போன்றவர்கள் முகநூல் மற்றும் பத்திரிக்கை வாயிலாகவும் ஹைக்கூ கவிதையின் வளர்ச்சிக்கு உழைக்கின்றோம் பெங்களுருவை சேர்ந்த முனைவர் புகழேந்தி அவர்கள் ஹைக்கூ கவிதைகளை மொழியாக்கம் செய்து வெளியிட்டு ஹைக்கூ கவிதைகளுக்கு சிறப்பு செய்கிறார்

இன்று அக்கவிதையை பல ஆயிரக்கணக்கான கவிஞர்கள் எழுதுகிறார்கள் தமிழில் ஆயிரக்கணக்கான நூல்களும் வந்துவிட்டது ஒரு பெரிய விசயத்தை எளிமையாகவும் வீரியமாகவும் சொல்வதால் எல்லோரும் ஹைக்கூ கவிதைகளை விரும்பி படைக்கின்றார்கள் எனலாம் இனி,,,எப்படி எழுதுவதென்பதை பார்ப்போம்

1.  ஹைக்கூ மூன்று  வரியாக  இருக்க  வேண்டும்.2.  ஹைக்கூவுக்குத்  தலைப்பிட்டு  எழுதக்  கூடாது.  ஒரு  ஹைக்கூவிற்கு இரண்டுக்கு  மேற்பட்ட  அல்லது  குறைந்த  பட்சம்  இரண்டு  உட்கருத்தாவது இருக்க  வேண்டும் ஹைக்கூவில்  நாம்  கடைபிடிக்க  வேண்டிய  மூன்று  முக்கிய  மரபுகள்  உண்டு

      ஹைக்கூவில்  முதல்  அடி  ஒரு  கூறு.  ஈற்றடி  ஒரு  கூறு. ஹைக்கூவின்அழகும்  ஆற்றலும்  ஈற்றடியில்தான்  உள்ளது.  ஈற்றடி  ஒரு  திடீர்வெளிப்பாட்டை,  உணர்வு  அதிர்ச்சியை  ஏற்படுத்தி  முழுக்  கவிதையையும் வெளிச்சப்படுத்த  வேண்டும்.

     மற்றொரு  மரபு  ஹைக்கூவின்  மொழி  அமைப்பு.  ஹைக்கூவின்  மொழி  சிக்கனமாக  தந்தி  மொழியைப்  போல்,  எளிமையான குறைவான வார்த்தைகளை பயன்படுத்த வேண்டும் அவசியமற்ற  இணைப்புச்  சொற்களைவிட்டு  விட  வேண்டும்.

      உயிர்  நாடியான  ஈற்றடியில்  ஆற்றல்  மிக்க  வெளிப்பாட்டிற்காக பெயர்ச்  சொல்லையே  பயன்படுத்த  வேண்டும்.மேற்கண்டவற்றை  ஹைக்கூப்  படைப்பாளர்கள்  கடைபிடிக்க  வேண்டும்.ஏனென்றால்  ஹைக்கூவின்  அடையாளமும்,  அழகும்,  ஆற்றலும்  இவற்றில்தான் இருக்கின்றன.
ஹைக்கூ  வாசிப்பு  முறை ஹைக்கூவை  முறையாக  எப்படி  வாசிக்க  வேண்டும்  என்ற  புரிதல்  ஹைக்கூ எழுதுபவர்களுக்கு நிச்சயம் தெரிந்திருக்க வேண்டும் இரண்டு வரிகளை வாசித்து முடித்து பிறகு முதல் வரியிலிருந்து இரண்டு வரிகளையும் வாசித்து சிறிது நிறுத்தி மூன்றாவது வரியை வாசிக்க வேண்டும் இதுவே கேட்பவர்களுக்கு எதிர்பார்ப்பை உண்டுபன்னும் இது கவியரங்கில் வாசிப்பதற்கு உதவும்

 அப்படிப்  படிக்கும்  போது  அந்த  இறுதி  அடி  எதிர்பாராதத்திருப்பம்  கொண்டதாக  இருக்க  வேண்டும்.  அந்த திருப்பம் அந்த கவிதையோடு சம்மந்தப்பட்டதாகவே இருக்க வேண்டும் இப்போது ஹைக்கூ  எழுதுபவர்கள் இந்த  எளிமையான  முறையை  மட்டுமே  கடைபிடித்தால்  கூட  அவர்கள்  எழுதும் ஹைக்கூவை  மேலும்  சிறப்பாகப்  படைக்க  முடியும்

இன்றைய அவசர உலகில் ஹைக்கூ கவிதைகளை நேரம் மிச்சம் செய்கிறது நீங்கள் சொல்லவேண்டிய செய்தியை மிக குறுகியக் காலத்தில் மூன்றே வரிகளில் சொல்லி முடித்துவிடலாம் அது உங்களுக்கும் நல்லது வாசிப்பவருக்கும் நல்லது எனவே ஹைக்கூவை நல்லமுறையில் எழுதி நல்ல கவிஞராக வலம் வாருங்கள்

இதோ சில ஹைக்கூ,,,,,

பூசாரி கையில் கட்சி
வெளியேற்றப்பட்டார்
கடவுள்,,,!

~ ஈரோடு தமிழன்பன்
ஒரு வண்டி சென்ரியு

பிம்பங்களற்ற தனிமையில்
ஒன்றிலொன்று முகம் பார்த்தன
சலூன் கண்ணாடி,,,

~ ந.முத்துக்குமார்

ரேசன் கடைக்காரருக்கு
குழந்தை பிறந்தது
எடை குறைவாய்

~ ந.முத்து
எடை குறைவாய்,,,ஹைக்கூ நூல்

பக்கத்து வீட்டில் கலர் டீவி
கறுத்துப்போகிறது
என் முகம்

~மு.முருகேஷ்
கிண்ணம் நிறைய ஹைக்கூ

சின்னத்திரை
நம்மை சிறைப்படுத்துகிறது
வீட்டுக் காவலில் தேசம்

~கா.ந.கல்யாணசுந்தரம்
வேரில் பூத்த ஹைக்கூ

அதிக விளைச்சல்
விரைவாகக் கிடைக்கிறது
ஒட்டுச் செடிகள்

~கவிநிலா மோகன்

வாசலில் பிச்சைக்காரர்
உள்ளேயிருந்து குரல்
வீட்டில் ஆளில்லை

~நாகை ஆசைத்தம்பி
எரிதழல் ஹைக்கூ நூல்
கிண்ணம் நிறை ஹைக்கூ

தொடர் மழை
காய்ந்துக் கிடக்கிறது
யாசகனின் வயிறு

~அன்ஸார் எம் எல் எம்

பேருந்து நிற்கவில்லை
இன்னும் காத்திருக்கிறது
சாலையோர நிழற்குடை

~வதிலை பிரபா
கிண்ணம் நிறைய ஹைக்கூ

ஆக்கம் ~நாகை ஆசைத்தம்பி

 

ஹைக்கூவில் ஈற்றடியில் ஏன் பெயர்ச்சொல் வேண்டும்,,,?

 

ஹைக்கூ எழுதும் போது ஈற்றடியில் பெயர்ச்சொல்லையே பயன்படுத்துவது சிறப்பாகும் சரி பெயர்ச்சொல்லென்றால் என்ன,,,?

பெயர்ச்சொல் என்பது ஒன்றன் பெயரை உணர்த்தும் சொல் ஆகும் பொருள், இடம், காலம், சினை, குணம், தொழில் என்னும் ஆறின் அடிப்படையில் பெயர்ச்சொற்கள் தோன்றும். ஆதலால் பெயர்ச்சொல் பொருள் ,இடம் ,காலம், சினை, குணம், தொழில் என்பவற்றைப் பொருளாதி ஆறு என்றும், பொருள் முதலாறு என்றும் கூறுவார்"பெயர்ச்சொல் திணை, பால், எண், இடம் ஆகியவற்றை உணர்த்தி வரும்; வேற்றுமை ஏற்கும், காலம் காட்டாது."

பொருட்பெயர்: மனிதன், பசு, புத்தகம்

இடப்பெயர்: கோவை, தமிழகம்

காலப்பெயர்: மணி, நாள், மாதம்,ஆண்டு

சினைப்பெயர்: கை, தலை

பண்புப்பெயர்:
இனிமை, நீலம், நீளம், செவ்வகம்

தொழிற்பெயர்: படித்தல், உண்ணல், உறங்குதல்

இது தவிர வேறு பல விதமாகவும் வகைப்படுத்துவது உண்டு

ஒன்றின் பெயரை உணர்த்து சொல் பெயர்ச்சொல் எனப்படும் அது இடுக்குறிப்பெயராகவோ அல்லது காரணப்பெயராகவோ இருக்கலாம்

இடுக்குறி என்பது எந்த காரணமும் இல்லாமல் இட்டு வழங்கியப்பெயர்  அதாவது மண்,மலை.மரம் போன்றவை
காரணப்பெயர் என்பது காரணத்தோடு இட்டு வழங்கியப்பெயர் நாற்காலி, முக்காலி , போன்றவையாகும்

ஹைக்கூ கவிதைகளுக்கு முதல் வரியும் கடைசிவரியும் மதிக்கப்படுவதற்கு இடையிலுள்ள இரண்டாம் வரி மிகமுக்கியமானதாகும் என்றாலும் ஈற்றடியில் பெயர்ச்சொல்லை பயன்படுத்தவதே சிறப்பாக அமையும் அப்படியான ஹைக்கூ கவிதைகளே காலத்தை கடந்தும் நிலைக்கும் உங்களுக்கு புகழைப்பெற்றுத்தரும் என்பதை கருத்தில்கொண்டு கவிஞர்கள் ஹைக்கூ கவிதைகளை படைக்க வேண்டும்
இதோ சில கவிதைகள்

மரங்கள் வெட்டப்பட்ட இடத்தில்
புதிதாக முளைக்கிறது
அலைபேசி கோபுரம்,,,!

~நாகை ஆசைத்தம்பி

பூந்தோட்டங்களை
அழித்துவிட்டு வளர்க்கிறார்
தேனீக்கள்

~மா.ஷங்கர்

கோவில் வாசலில்
பக்தரை நம்புகிறான்
பிச்சைக்காரன்

~அன்பழகன்.ஜி

விளக்கை நகர்த்த
அசைந்து கொடுக்கிறது
புத்தரின் நிழல்

~கா.ந.கல்யாணசுந்தரம்

உழவனின் உழைப்புக்கு
தலை வணங்குகிறது
நெல்மணிகள்

~விக்டர் ஏஞ்சல்

மீன்கள் விற்றதும்
இறந்து கிடக்கிறது
மீன்தொட்டி

~தஞ்சை தக்ஷன்

மேற்கு தொடர்ச்சிமலை
இடைவெளிவிட்டு கூவிடும்
கானக்குயில்

~முனைவர் .வே.புகழேந்தி

முக்கியத்துவம் பெற்ற என் முதல் ஹைக்கூ

 இந்த கட்டுரையில் முக்கியத்துவம் பெற்ற என் முதல் ஹைக்கூவைப்பற்றி எழுதுகிறேன் இது என்னைப்பற்றி புகழ்ந்து சொல்வதற்கல்ல இளையவர்கள் புரிந்துக்கொண்டு பயணிக்க வேண்டும் என்பதற்காக மட்டுமே

நான் 1993ல்தான் முதன்முதலாக ஹைக்கூ எழுதுகிறேன் அந்த ஆசைக்கு காரணம் நண்பர் மு.முருகேஷ் அவர்களே,,,அவர் அப்போதெல்லாம் தீக்கதிர் பத்திரிக்கை மற்றும் செம்மலர் ஏழைதாசன் போன்ற இதழ்களில் ஹைக்கூ எழுதுவார் அதை வாசிக்கும் போது ஏதோ ஒரு உணர்வு ஏற்படும் அப்போது இதுதான் ஹைக்கூ என்பதோ இது ஜப்பானிய இறக்குமதி என்பதோ இதன் பிதாமகன் யார் என்பதோ எதுவும் தெரியாது வாசித்தால் ஏதோ ஒரு இனம் புரியாத உணர்வு வருகிறது அதனால் நாமும் எழுத வேண்டுமென முயற்சிசெய்தேன் அப்போது முதன்முதலாக எழுதிய ஹைக்கூ கவிதைதான்,,,

இரண்டு லாரிகள் மோதல்

முகப்பில்

அம்ன் துணை,,,!

என்ற ஹைக்கூ,, இந்த ஹைக்கூ

எழுதி உடனே பட்டுக்கோட்டை பிரபாகர் அவர்கள் நடத்திவரும் உல்லாச ஊஞ்சல் என்ற மாத நாவலுக்கு அனுப்பி வைத்தேன்

என்ன ஒரு ஆச்சர்யம் அந்த ஹைக்கூ பிரசுமாகியிருந்தது

அதோடு பெரிய ஆச்சர்யம் அந்த கவிதைக்கு சன்மானமாக 15ரூபாய் மணிஆர்டரும் வந்தது  அன்று நான் அடைந்த ஆனந்தம் எழுத்துகளில் வடிக்கமுடியாது அது உணர்வு ரீதியானது

அதன் பிறகு அந்தக்கவிதை மு.முருகேஷ் அவர்களின் தொகுப்பில் வெளியான கிண்ணம் நிறைய ஹைக்கூ என்ற தொகுப்புநூலிலும் இடம்பிடித்தது அந்த நூலை விமர்ச்சனம் செய்த தீக்கதிர் நாளிதழ் ஆசிரியர் தோழர் அ.குமரேசன் அவர்கள் இதுப்போன்ற பகுத்தறிவு சிந்தனைகள் இந்நூலில் நிரம்பிக்கிடக்கிறது என என் ஹைக்கூவை மேற்கோள் காட்டியிருந்தார் அதன் பிறகு அக்கவிதை ஏழைதாசன் இலக்கிய இதழிலும் வெளிவந்தது

ஏழைதாசன் இலக்கிய இதழை வாசித்த பிரபல விஞ்ஞான எழுத்தாளர் மறைந்த சுஜாதா அவர்களின் கண்ணில் அக்கவிதை பட்டுவிட,,,சுஜாதா அவர்கள் அந்த ஹைக்கூவை ஆனந்த விகடனில் அவர் தொடராக எழுதிய கற்றதும் பெற்றதும் என்ற கட்டுரையில் மேற்கோள் காட்டியிருந்தார் அது எனக்கு மிகுந்த பெருமையாக இருந்தது என்பதை சொல்லவும் வேண்டுமா,,,?  அதன்பிறகு அதே கவிதையை சுப. வீரபாண்டியன் அவர்களின் தமிழ் சான்றோர் பேரவை என்ற அமைப்பின் தகவல் பலகைகளில் கோவையில் எழுதி வைத்து மக்களிடம் சேர்த்தார்கள் இப்படி என் முதல் ஹைக்கூவே முக்கியத்துவம் பெற்றது அன்றையிலிருந்து எனக்கான தனித்துவத்தோடு நான் எழுதுகிறேன் ஒரு கவிதையை வாசிப்பவர்கள் அந்த கவிஞரின் பெயர் இல்லாவிட்டாலும் இது அவருடைய கவிதைதான் என அடையாளம் காணும் அளவுக்கு தனக்கான தனித்துவத்தை நாம் வளர்த்துக்கொள்ள வேண்டும் என்பதற்காகவே இதை எழுதுகிறேன்  கவிதை என்பது எழுதுவதல்ல,,,எழுவது ஆம்,,,யோசியுங்கள்,,,யோசிக்கிறேன்,,யோசிப்போம்,

நாகை ஆசைத்தம்பி

ஹைக்கூவில் திருப்பம் உங்கள் விருப்பமா,,,?!

 இனிய ஹைக்கூ கவிஞர்களே கடந்த கட்டுரையில் நல்ல ஹைக்கூவை மேலிருந்து கீழாக படித்தாலும் கீழிருந்து மேல் நோக்கி படித்தாலும் பொருள் மாறாமல் இருக்க வேண்டும் அதுவே நல்ல ஹைக்கூ என்பதை பார்த்தோம் அதற்கு நல்ல ஆதரவு இருந்தது இன்று நாம் காணப்போவது ஹைக்கூவில் திருப்பம் பற்றியதுதான்,,,

ஹைக்கூ கவிதை என்றால் மூன்று வரிகளை உடையது என்பதை எல்லோரும் புரிந்துக்கொண்டார்கள் ஆனால் திருப்பம் என்பதை இன்னும் பலர் புரிந்துக்கொள்ளவில்லை என்றே தோன்றுகிறது நமது கிராமங்களில் அமாவாசைக்கும் அப்துல் காதருக்கும் என்ன சம்மந்தம் என்பார்கள் அதுப்போலவே திருப்பம் என்பதை சிலர் தவறாக புரிந்துக்கொண்டு சம்மந்தமில்லாமல் எழுதுவார்கள் அதற்கு உதாரணம் காட்டமுடியும் ஆனால் அவர்கள் மனசு காயமடையும் என்பதால் அதை தவிர்க்கிறேன்

ஹைக்கூ என்பது மூன்று வரிகளில் எழுதும்போது இரண்டு வரிகள் முடிந்து மூன்றாவது வரி எழுதும் போது ஒரு திருப்பம் வைக்க வேண்டும் அது வாசிப்பவர்களை யோசிக்க வைக்கும் ஆனால் அந்த திருப்பம் அந்த கவிதையோடு சம்மந்தம் உள்ளதாக இருக்க வேண்டும் அல்லது முதல் வரிக்கும் கடைசி வரிக்கும் தொடர்புள்ளதாக இருக்க வேண்டும் அதுவே சிறப்பாக இருக்கும் அப்படி இல்லாமல் நானும் பட்டாளத்துக்கு போகிறேன் என்பதுபோல துளியும் பொருத்தமில்லாத அந்த கவிதையின் பொருளையே மாற்றக்கூடிய திருப்பம் வைப்பது உங்கள் கவிதையை நீங்கள் ரசிக்க சரியாக இருக்கும் அடுத்தவருக்கு உங்கள் திருப்பம் வெறுப்பாகிவிடும் இனிமேல் திருப்பம் வைக்க வேண்டுமானால் அந்த கவிதையின் பொருள் மாறாமல் அதோடு சம்மந்தமுள்ள வார்த்தைகளை பயன்படுத்துங்கள் கவிஞர்களே

இதோ சில கவிஞர்களின் கவிதைகளை உங்கள் பார்வைக்கு வைக்கிறேன் பாருங்கள் பழகுங்கள் எழுதுங்கள்,,,

பயணிகள் கரையேறிவிட்டனர்/

படகோட்டி ஓய்வெடுக்கிறான்/

படித்துறையில் தத்தளிக்கிறது படகு/

திரைப்பட இயக்குனர் 

பிருந்தா சாரதி அவர்களின் ஹைக்கூ இந்த கவிதையை பாருங்கள்  படகுத்துறையை சுற்றியே வருகிறது  இப்படியான திருப்பங்கள் வைத்தால் பொருள் மாறாது என்பதை புரிந்துக்கொள்ளுங்கள் நண்பர்களே,,,

அடுத்து ஒரு கவிதை காண்போம்

மிதித்திடக் கால் கூசுகிறது

மிதியடியில் எழுத்துக்கள்

நல்வரவு

இந்தக் கவிதைக்கு சொந்தக்காரர்

ஓவியக்கவி அமுதபாரதி அவர்கள் இந்தக் கவிதையையும் பாருங்கள் வீட்டு வாசலிலே இருக்கிறது திருப்பம் வேண்டுமென்பதற்காக. வேறு எங்கோ போகவில்லை இப்படியான திருபங்களே கவிதையை ரசிக்க வைக்கும்  வேறு மாதரி எழுதினால் கவிதையை வெறுக்க வைக்கும் என்பதை உணருங்கள்

அடுத்து ஒரு ஹைக்கூ காண்போம்

வியர்வை மழையில்

நனைகிறது

புழுக்கம்

இந்தக்கவிதையை எழுதியவர் இனிய உதயம் இலக்கிய இதழின் இணையாசிரியர் ஆரூர் தமிழ் நாடன் அவர்கள் இந்தக்கவிதையும் பாருங்கள் கவிதையோடு சம்மந்தம் உள்ளதாக இருக்கும் வியர்வை புழுக்கம் சம்மந்தம்தானே இப்படியாக கவிதை இருப்பதே நலம் கவிஞர்களே,,,

இன்னும் சில கவிதைகளை காண்போம்

பழுத்த பழத்தின் வாசனை

அதிகம் கல்லடிபடுகிறது

உயர்ந்த மரம்

~ இளைபாரதி கந்தகப்பூக்கள்

மழை நின்றாலும் 

சத்தம் நிற்கவில்லை

தவளையின் குரல்

~ஜெயக்குமார் பலராமன்

தொழிற்சாலை புகை

வேகமாய் பரவுகிறது

தொற்று நோய்

~நாகை ஆசைத்தம்பி

பாலைவன தேசம்

வாழ்க்கையை நகர்த்துகிறது

ஒட்டகம் மேய்க்கும் கூலி

~உறையூர் மகேஷ்

கரை ஏறுவதற்காக

கடலில் இறங்குகிறான்

வலை வீசுபவன்

~ தர்மசிங்

என் இனிய கவிஞர்களே இனிமேல் திருப்பங்களை உங்கள் விருப்பத்திற்காக வைக்காதீர்கள் கவிதையோடு சம்மந்தமுள்ளதாக பொருள் மாறாமல் வைத்து நல்ல கவிஞராக வலம்வர வேண்டுகிறேன்,,,

நாகை ஆசைத்தம்பி

நல்ல ஹைக்கூவை புரிந்துக்கொள்ள எளிய வழி

 100ஆண்டுகளை கடந்து பயணிக்கிறது ஹைக்கூ கவிதைகள் ஒருசிலர் அது ஜப்பானிய வடிவம் என சொன்னாலும் கவிஞர்கள் அவரவர் மொழியில் நமது பண்பாடு கலாச்சாரம் இவைகளை முன்னெடுத்து எழுதிவருவது சிறப்பாக இருக்கிறது ஆனால் ஒருசிலர் மூன்று வரிகள் இருந்தாலே அது ஹைக்கூதான் என்று புரிதல் இல்லாமல் எழுதுவதும் வருத்தமளிக்கிறது 5-7-5என்ற பார்மலாவை நாம் கடந்துவிட்டோம் என்றாலும் சிலர் குறுங்கவிதைப்போல எழுதி இடையிடையே மூன்று கோடுகளைப்போட்டு இதுவும் ஹைக்கூ என்பதோடு அதை எடுத்துச்சொல்லும் கவிஞர்களிடமும் சண்டைப்போடுவதுமுண்டு என்னுடைய நோக்கம் கலை இலக்கியம் யாவும் மக்களுக்கே என்பதுதான் அந்த வகையில் ஹைக்கூ கவிதையிலும் அழகியலை மட்டும் சொல்லாமல் மக்களுக்கான கருத்தியல்களையும் விதைக்கலாம் 

ஒரு நல்ல ஹைக்கூவை மிக எளிமையாக எழுதுபவர்களே அடையாளம் காணலாம் நாம் எழுதிய ஹைக்கூவை கீழிருந்து மேலாக ஒருமுறை வாசித்துப்பாருங்கள் அப்போதும் நீங்கள் எழுதியப்படியே பொருள் தந்தால் அதுதான் நல்ல ஹைக்கூ என எனது ஆய்வில் உணர்ந்துள்ளேன் இனி ஹைக்கூ கவிஞர்கள் இந்த வழியை பின்பற்றலாமே,,,உதாரணமாக சில ஹைக்கூ கவிதைகளை கொடுத்துள்ளேன் அதையும் பாருங்கள் அந்த ஹைக்கூ கவிதைகளை மேலிருந்தும் கீழிருந்தும் வாசியுங்கள் பொருளும் மாறாது கவிதையும் மாறாது இப்படியான ஹைக்கூ கவிதைகளே நல்ல ஹைக்கூ என்பதை கவிஞர்களின் நலனுக்காக சொல்கிறேன்

மணவரை

மெதுவாய் பெருக்குகிறாள்

முதிர் கன்னி

               ~ அறிவுமதி

தொடர்ந்து நடக்கிறேன்

பாதை உருவாகிறது

பலர் நடக்கிறார்கள்

                    ~அமுதபாரதி

கறுத்த பெண்

புகுந்தகம் வந்தாள்

கலர் டீவி யோடு

                      ~ மு.முருகேஷ்

பொம்மை விற்பவனிடம்

தாராளமாய் உள்ளது

குழந்தை பாசம்

                    ~கா.ந.கல்யாணசுந்தரம்

கல்லறையில் மழை

புரண்டு படுக்கிறது

உதிர்ந்த சருகு

               ~ தக்ஷன்

பாசத்தையும் ஒப்படைத்து

வெறுங்கையுடன் திரும்புகிறாள்

வாடகை தாய்

                  ~முனைவர் புகழேந்தி

பலமுறை கீழே விழுந்தும்

முயற்சிப்பதை நிறுத்தவில்லை

சிலந்தி

                   ~அனுராஜ்

மரத்தின் கிளை

வெட்டியதும் கீழே விழுகிறது

குஞ்சுகளோடு கூடு

                     ~கவிநிலா மோகன்

மாட்டுத் தொழுவம்

நிரம்பி வழிகிறது

வைக்கோல்

                     ~சீனு செந்தில்

உள்ளே கடவுள்

ஒருமுறைகூட பார்க்கவில்லை

வாசலில் இருக்கும் யாசகர்

             ~மகிழ்நிலாவின் தந்தை

வழிப்பாட்டுத் தளங்கள்

நம்பிக்கையை விதைக்கிறது

கையேந்தும் பிச்சைக்காரன்

                 ~நாகை ஆசைத்தம்பி

திருமண நிகழ்ச்சி

அட்சதை விழுகிறது

புகைப்படகாரருக்கு

                   ~ஜெகன் ஆன்டணி

எழுத்தும் பேச்சும் உள்ள மொழியே காலம் கடந்தும் உலகை ஆளும் எழுத்தறிவித்தவன் இறைவனாவான் என்பார்கள் அப்படிப் பார்த்தால் எனக்கு இறைவன் என் பால்வாடி டீச்சர் சரோஜாதான்,,, வணங்குகிறேன் டீச்சர் ~நாகை ஆசைத்தம்பி